-- ADVERTISEMENT --
KALIBO, Aklan–Sigidas makaron ro pagpaabot it bulig it sangka Non-Government Organization (NGO) sa mga evacuees sa banwa it Kalibo.
Suno kay Charry De Guzman, Vice President it Maharlikan Center nga nakipag-partner sanda sa Aklan Medical Society ag Aklan State University para magpaabot it bulig sa mga naapektuhan it bagyong Paeng.
Nagabueoligan sigon sanda sa pagpangayo it sponsorship ag donasyon para sa mga biktima it kalamidad.
Pila sa mga gintanyag nga bulig it organisasyon hay ro libreng checkup sa pagpanguna ni Dr. Glenford Refre it Aklan Medical Society kamana nga may ginprepara man sanda nga food packs nga ginakaeakipan it kape, biscuits, tinapay ag eambong nga pwedeng magamit it mga evacuee.
