Nagpaabot it sempatiya ro National Historical Commission of the Philippines (NHCP) sa mga naapektuhan sa pagpaeanasa it 7.0 magnitude nga linog sa Northern Luzon.
Suno kay NHCP Chairman Dr. Rene Escalante, igatugyan anay nanda sa mga lokal nga gobyerno ro pagsabat sa mga kinahangeanon it mga residente sa andang mga lugar.
Pagatan-awon man sigon nanda ro andang masarangan ag sa bulig man it ibang ahensya it gobyerno, nga i-rehabilitate ro mga historic sites ag structures nga nagkaeasamad bangud sa nasambit nga linog.
Sa pihak nga parte, mas ginatutukan sigon nanda sa makaron ro kaeuwasan it tanan.
Kung siin mabahoe man ro risgo it andang taeatapan eabi eon gid sa mga magatan-aw sa mga nawasak nga establishemento ag landmarks rason nga kinahangean sigon sikyaron anay kung owa eon it mga aftershocks nga mag-eontad antes umpisahan ro pagbisita sa mga nasambit nga landmarks.
