Ginkumpirma it National Irrigation Administration ukon NIA Aklan nga ginsarado nanda ro porsyon it karsada sa Brgy. Sta. Cruz, Lezo.
Suno kay Antonnette Trinidad, water master it NIA Aklan nga raya hay matapos nga may nakit-an nga buho nga peligroso para sa mga mangunguma kasunod it andang ginpatigayon nga inspeksyon.
Una kara, sangka residente ro nagreklamo sa Bombo Radyo matapos nga ginsarado ro nasambit nga karsada nga pinakamaeapit nga access road para sa mga pumueoyo.
Aminado si Trinidad nga haeos permi nga nagakasamad ro karsada ag insigida man nanda raya nga ginaayos.
Apang, sa makaron suno kana hay nagapangayo imaw it pasensya sa mga mangunguma ag sa travelers nga nagaagi sa nasambit nga lugar nga kinahang-ean nanda nga temporaryo raya nga isarado para man sa andang kaeowasan.
