KALIBO, Aklan—Sa maabot nga abril 15, 2021 magapaguwa eon it suplay it tubi ro National Irrigation Administration (NIA)-Aklan sa mga ueumhan sa probinsiya it Aklan.
Suno kay Engr. Darlene Tubang, Supervising Engineer it NIA-Aklan nga ro mga kaeanasan nga sakop it banwa it Lezo, Numancia, Banga, New Washington ag Kalibo ro makapanipueos sa tempranong pagpaguwa it irrigation water supply.
Partikular nga makabenepisyo kara hay ro mga mangunguma nga maeapit sa mga irrigation canal ro andang ueumhan kapareho it Sta. Cruz, Bugasongan, Ibao, portion it Bagto ag Mina sa banwa it Lezo ag pilang parte it Numancia kamana man ro mga nasambit nga banwa sa Eastern Side it probinsiya.
Ro nasambit nga tikang suno kana hay may kaangtanan sa forecast it PAGASA angot sa maexperiensiyahan nga La Nina phenomenon makaron nga Mayo 2021.
Gin-temprano sigon ro pagpaguwa it tubi agud nga malikawan ro pagkasamad it mga tanum nga paeay.
Patapos eon man suno kana ro cropping ag pila eon lang ro naga-ani it andang paeay.
Samtang, ginaeaumnan nga sa mga buean it mayo ag hunyo hay ma-umpisahan eon ro mga proyekto it NIA.
