KALIBO, Aklan—Ginpaathag it National Irrigation Administration ukon NIA-Aklan nga nagpatuman sanda it temporaryong pagsuspendi sa pagpatubod it tubi umpisa ko katapusan it Pebrero.
Suno kay Engr. Juliet Gallardo it NIA-Aklan nga ro nasambitan nga tikang it taeatapan hay naipaabot nanda it husto sa Federation of Irrigator’s Association ag sa Irrigator’s Association.
Tuyo it nasambitan nga closure nga magpatigayon it periodic maintenance it irrigation system.
Samtang ginbasoe man it NIA ro pilang ka mga mangunguma nga nagpatigayon pa it third cropping apisar nga nag-anunsiyo eun sanda it pagsuspendi sa pagpatubi.
Dugang pa kara nga masyadong madamoe ro eay-on nga kinahangean anay hawanan agud nga indi magabara sa pagtubod it tubi sa oras euman it tig taeanom.
