KALIBO, Aklan—Bukon it masyadong strikto ro gobyerno it Nigeria pag-abot sa ginapatuman nga restriction angot sa COVID-19 pandemic.
Suno kay Bombo International Correspondent James Ryan Agcol, sangka Engineer ag tumandok it Bacoor City, Cavite nga haeos normal ro pagpangabuhi it mga tawo sa Nigeria ag gina-required eamang ro pagsuksok it face mask kung nagasueod it mga establisysmento kapareho it mall.
Ginpabugae pa kara nga sangkiri ro andang nailistang kaso bangud maeaka eamang ro nagapaidaeom sa RT-PCR test nga kaeabanan hay mga migrant workers.
Ro mga dumueo-o sigon nga naga-abot sa Nigeria hay nagapaidaeom sa swab testing sa ikaywang adlaw it andang arrival.
Engkaso nga negatibo sa virus hay pwede eon raya nga mkasueod sa trabaho samtang ro nagapositibo hay magapaidaeom sa pitong adlaw nga home quarantine ukon self-isolation.
Ginpahayag dugang nga sangkiri nga porsyento paeang it populasyon ro nabakunahan kontra COVID-19 bangud bukon man raya it mandatory.
Si Agcol hay masobra 16 anyos eon nga nagatrabaho bilang enhinyero sa Nigeria.
