KALIBO, Aklan — Gin-aresto ro sangka Nigerian national matapos nga daeaganan ro anang baeayran sa sangka hotel sa isla it Boracay.
Ro suspek nga si Ayodelle Raphael Jolomi, 38, presenteng naga-istar sa New Intramuros Village, Makati City hay nagtinir it pilang adlaw sa hotel apang nagpanaw nga owa anay ginbayaran ro anang bill nga naga-abot sa kapin sa P52,000.
Nag-check-in sigon ro dumueuong sa sangka kilaeang accredited establishment sa nasambit nga isla ko Setyembre 5 gamit ro anang TIN identification card ag nag-check-out nga owa nag-ea-ong ko Setyembre 8.
Sa follow-up operation it pulisya, naaresto ro suspek sa sangka terminal sa Brgy. Estancia, Kalibo ag temporaryong ginkulong sa Malay Police Station.
Nakahilway ro dumueuong, Lunes it agahon matapos nga bayaran ro anang hotel bill.
