KALIBO, Aklan — Igabawae eon man ro night navigation sa isla it Boracay sa uman nga pagbukas kara sa Oktubre 26.
Sa press conference, ginpahayag ni Department of Environment and Natural Resources (DENR) Undersecretary Sherwin Rigor nga igabawae eon ro pagbiyahe it mga pampasaherong ferry boats sa gabi-e.
Magabutang man sigon sanda it high-capacity nga bangka nga magapasakay it kapin sa 150 hasta it 200 pasahero kada trip kumpara sa ordinaryong ferry boat nga ro masarangan eamang nga isakay hay 25 hasta it 40 pasahero.
Magabyahe sigon ro bangka sa oras nga buhos ro mga trabahador patabok sa Boracay umpisa alas-5:00 hasta alas-6:00 it agahon ag alas-6:00 hasta it alas-7:00 it agahon.
Mas manaba man ro pamasahe kara.
Sa makaron hay uwa eon ginapasugtan ro mga boarding house ag staff house sa isla agud malikawan ro overcrowding.
