Kalibo Aklan ——Umpisa makaron nga adlaw it Sabado, Agosto 1 hay igapatuman eon it National Inter Agency Task Force on COVID-19 ro “no barrier,no angkas” policy para sa mga mag-asawa ukon mag live in partner nga naga-iba sa sangka baeay.
Suno kay P/Major Bellshazzar Villanoche, hepe it Kalibo PNP nga kon dati hay ginawarningan eamang nanda ro mga masita nga motorista nga nagapaangkas sa andang asawa nga uwa it barrier sa tunga nanda nga daywa, makaron sigon hay pwede eon ro mga raya nga maimponeran it penalidad sandig sa pag-eabag sa Republic Act 1132 ukon Mandatory Reporting of Notifiable Disease and Health kon sa siin nakasueod ro pag-eabag sa physical distancing.
Ginpahayag dugang nga may naga-iral nga laye sa tunga it pandemya rason nga kinahang-ean nga magsunod ro tanan para dueoeongan nga malikawan ro makataeapon nga sakit nga COVID-19.
Ginhinyo kara ro tanan nga mga motorista nga magpainstall eon it prototype barrier nga ginduso it lokal nga gobyerno it Bohol para makalikaw sa penalidad.
Kon uwa suno kana it barrier ro motorsiklo hay mas makapamayad nga inde eon lang magpaangkas ro mga motorista.
