KALIBO, Aklan — Hugot ro pagbantay it mga otoridad sa mga motoristang owa nagasuksok it helmet samtang nagamaneho sa banwa it Kalibo.
Suno kay Police Leiutenant Colonel Richard Mepania, hepe it Kalibo PNP, may mga rules and regulations ro nasambit nga banwa kung sa siin ginabawaean ro mga motorista nga magmaneho sa karsadahun kung owa it suksok nga helmet.
Ginpabutyag dugang nga sambilog eamang raya sa andang tikang para masiguro ro kaeuwasan it mga pomoeuyo ag mga nagadayo sa lugar.
Ro nangin pahayag ni Mepania hay kasunod man it ginpatigayon nga opening salvo ukon ro “Pag-umpisa” it Kalibo Santo Nino Ati-atihan Festival 2020.
Maabo sa mga nag-adto sa lugar para magselebrar hay nag-eabag sa nasambit nga ordinansa.
Dugang pa kara, indi makaeuwas sa mga otoridad ro sin-o man nga maga-eabag sa hugut nga implementasyon it layi.
