Striktong ginapatuman makaron sa slaughter house ro “no mayors permit, no katay policy”.
Raya hay kasunod man it reklamo it mga lehitimong meat vendor sa Kalibo public market nga nagasikyar it nagakaigong dokumento.
Suno kay Mary Gay Joel, head it Municipal Economic Enterprise Development Office ukon MEEDO nga naobserbahan sigon nanda nga maabo ro nagapakatay sa slaughter house nga uwa it ginapakita nga mayor’s permit rason nga ginhimo raya nga tikang agud nga patas ro tanan.
Ginpahayag dugang nga unfair sigon sa parte it mga lehitimong vendor nga nagasikyar it mayor’s permit kada dag-on rason nga ginpatuman ro nasambit nga polisiya agud nga ipaagi sa legal ro tanan nga operasyon sa slaughter house.
Samtang sa pihak nga parte, haeos tanan nga negosyo sa banwa it Kalibo hay pagausuyan nanda raya it mayor’s permit rason nga apela nanda sa mga negosyante nga magsikyar eon it mayor’s permit agud nga makapadayon sa andang pangabuhian nga legal.
