Plano ni Pangueong Ferdinand Marcos Jr. nga magpatindog it Center for Disease Control and Prevention ag sangka vaccine institute.
Kasunod sa ginhiwat nga kauna-unahan nana nga SONA, ginpahayag it pangueo,nga bangud sa nagapabilin nga daeang paeag it COVID-19 kinahangean sigon it nasyon nga maka-angkon it mapag-on nga healthcare system bangud indi eon masarangan it nasyon ro panibag-ong lockdown bangud sa pagpaeanasa it nasambit nga masakit.
Gin-insister it pangueo nga kinahangean nga balanse ro ikaayong eawas ag kaeuwasan it tanan nga Pilipino ag sa pihak nga parte ro daeagan it ekonomiya.
Sa makaron, nagabueuligan eon sigon ro tanan nga ahensya it gobyerno sa pagmonitor sa mga COVID-19 hospital admissions para masiguro nga may bastante ag nagakaigo nga kapasidad ro healthcare system ag malikawan ro pagsipa it numero it mga nagamasakit.
