KALIBO, Aklan—Plano makaron nga iduso it lokal nga gobyerno it Kalibo ro pagpatigayun it No Movement sa banwa.
Suno kay Terrence Toriano, Municipal Disaster Risk Reduction Management Council (MDRRMO)-Kalibo nga nauna eon raya nandang naistoryahan sa pueong kaibahan ro Municipal Inter-Agency Task Force (MIATF).
Ro natungdan nga ideya sigon hay nagtuhaw sa pueong it mga municipal mayors kaibahan ro Provincial IATF kun siin ro ibang banwa hay nagdeklara it andang holiday ukon “No movement Sunday”.
Raya hay ginakaeakipan it Banga, Malinao, Ibajay ag Tangalan.
Suno kay Toriano, mabahoe raya nga bagay para sa mga kaparehas nana nga frontliner apang kinahang-ean man nga ikonsidera ro economic activity it banwa.
Dugang pa kara nga mabahoe ro magiging impact kara sa Kalibo bilang sentro it komersyo ag mga negosyo.
Bukon man sigon raya it aplikable sa weekend eabi eon kun adlaw it Sabado bangud dikara masami nga naga-abot ro stock it mga establisyemento.
Sa kamatuoran suno kana, natueopangdan eon nanda ro epekto it ginpatag-od nga oras it operasyon it mga establisyemento ag transportasyon.
Aminado man si Toriano nga kinahang-ean anay nga ma-estudyuhan it mayad ro nasambit nga tikang antes raya eubusan nga ipatuman.
