-- ADVERTISEMENT --

KALIBO, Aklan—Ginpatuman it Metro Kalibo Water District (MKWD) ro “no vaccine, no entry policy” umpisa makaron nga adlaw, Enero 19.

Raya hay kasunod it ginpagguwa nga bag-ong Executive Order ni Governor Florencio Miraflores ko adlaw it Lunes.

Suno kay Frederick Buenavidez, Public Information Officer it MKWD, ro desisyon hay nabilog matapos ro ginpatigayun nga pueong it andang Disaster Risk Reduction Management Team (DRRMT).

Buot hambaeon kara, ro ginapasugtan eamang nga makasueod hay ro mga fully vaccinated ukon may  ginapakita nga vaccination card.

Gin-engganyo man ni Buenavidez ro andang mga miyembro-konsumidor nga bukon it bakunado nga magbayad eon lang pinaagi sa andang partner collection facility ukon magamit it online payment.

-- ADVERTISEMENT --

Tuyo eamang kara nga masiguro ro kaeuwasan it kada isaea ag malikawan ro pagkalhit it COVID-19 infection.

Boses ni Mr. Frederick Buenavidez

Sa pihak nga parte, may gintaeana man sigon nga sangka espasyo sa kilid it taeatapan para magbaton it urgent transaction it mga unvaccinated ag partially vaccinated nga indibidwal.

Raya nga window hay ginplastar para sa mga concern ukon emerhensiya it mga bukon it bakunado.

Boses ni Mr. Frederick Buenavidez