KALIBO, Aklan—Nagapati ro pilang ka mga kooperatiba sa Western Terminal nga bukon pa it tyempo para ipatuman ro “no vaccine, no ride policy” sa mga pampublikong transportasyon sa bilog nga probinsya it Aklan.
Ginpahayag ni Mr. Edgar Igasenza, Presidente it Malinao-Lezo Transport Cooperative nga maskin may nabaton sanda nga memorandum halin sa Department of Transportation (DOTr) ag Office of Transport and Cooperative hay owa nanda raya ginpatuman.
Nakipag-coodinate man sigon sanda sa lokal nga gobyerno apang gintugyan eon kanda ro responsibilidad sa pagpatuman it nasambit nga deriktiba.
Nagpanindugan pa si Igcasenza nga indi pa kinahang-ean ro pagpatuman it “no vaccine, no ride policy” sa Aklan bangud nagapabilin pa nga kontralado ro mga kaso it COVID-19 infection.
Ginpahayag dugang nga owa sanda naila nga malisdan ro mga pasahero ag makaangkon it problema sa pagbiyahe.
Ro klaru eamang sigon makaron hay dapat nga bakunado ro mga driver it Public Utility Jeepney (PUJ) agud nga masiguro ro kaeuwasan it riding public.
