Nagpatigayon it maritime sovereignty patrol sa Philippine Rise ro Naval Forces Northern Luzon bilang kaparte it selebrasyon ika 124 it Independence day.
Ginpahayag ni NOLCOM Spokesperson Lt.Col. Elmar Salvador, nga ro BRP Conrado Yap (PS39) kaibahan ro sangka inter-agency fleet hay nagpatrolya sanda sa Philippine Rise para panindugan ro exclusibong parte it Pilipinas sa nasambit nga bahin it Pacific Ocean.
Kasunod man kara ro ginpatigayon nga pang an-um nga komemorasyon it pagbaylo it pangaean it Philippine Rise maghalin sa dating Benham Rise ku nagtaliwan nga Mayo 16, 2017.
Suno pa kay Lt Col. Salvador, paeawigon pa it NOLCOM ro pagpatrolya sa Philippine Rise para maprotektahan ro kaeuwasan ag pangabuhian it mangingisda sa Infanta ag Real sa Quezon; Baler, Aurora; Catanduanes; ag iba pang kaeapit lugar.
Samtang, padayon man ro Nolcom sa andang maritime ag aerial patrol sa bahin it West Philippine Sea.
