Naga-usoy sa makaron ro gobyeno it non-traditional source ng mga abono ukon fertilizer para sa mga mangunguma.
Sambilog raya sa mga nakikita nga pamaagi it gobyerno para masigro nga may bastante nga suplay kara sa nasyon.
Ginpahayag ni Pangueong Ferdinand “Bongbong” Marcos Jr. Nga presente imaw nga nagapaeapit sa nagakaeain-eain nga nasyon nga owa gina angkatan dati it Pilipinas bangud sa pageaum nga makabae ro gobyerno it mas barato nga abonong fertilizer.
Dugang pa it pangueo, sa pihak kara hay nagabueuligan eon sigon sanda it gobyerno sa mga pribadong sektor para makahimu it mga pamaagi nga mas makabarato ro mga mangunguma sa pagbakae it mga abono sa andang mga pananom.
Samtang, nauna eon kara ro pagpahayag man it Palasyo it Malakanyang nga sambilog sa mga ginakonsidera ni Marcos Jr. Angot kara hay ro pakipagnegosasyon sa iba pang mga nasyon kapareho it China, Indonesia, United Arab Emirates, Malaysia, ag Russia.
Kasunod kara, madumduman nga ginmanduan man it pangueo ro Department of Trade and Industry (DTI) nga magpanupod it barato nga mga fertilizer sa mga mangunguma.
