Ginsug-aeaw it standing ovation si Nora Aunor sa pagtambong kara sa CCP National Artists Awards.
Ginpatigayon ku nagtaliwan nga Miyerkules it hapon ro nasambit nga awarding sa mga Pambansang Alagad ng Sining 2022 it pambansang Komisyon para sa Kultura at mga Sining at ng Sentrong Pangkultura ng Pilipinas.
Sa nasambit nga programa ginkilaea it mga naka-angkon it national artists awards nga gin-award man ni Pangulong Rodrigo Duterte.
Kaibahan it beteranang actress ro onga kara nga si Ian de Leon ag pilang mga miyembro it pamilya ag mga maeapit nga amega.
Samtang, sa anang diskurso , ginpasaeamatan it beteranang actress ro anang mga amego ag amega nga kaparehong artista nga nagpanindugan nga imaw dapat ro kilaeahon para maboue ro nasambit nga award.
