KALIBO, Aklan—Normal nga may nagatuhaw nga bagyo sa tyempo it summer season ukon tag-init.
Raya ro ginpahayag ni Bombo International Correspondent Dr. Reynand Dumalaon, PhD researcher sa University of Auckland, New Zealand sa interview it Bombo Radyo.
Suno kana nga ro bagyo hay cause it different factors kon sa siin sambilog kara ro paborable nga kondisyon sa ocean surface ag sa kaeangitan.
Ro naeksperyensyahan makaron nga temperatura ro susi it kaparehas kara nga kalamidad.
Ginpaathag dugang nga kon tuman ro init it panyempo hay maabo man ro gina-evaporate nga tubi nga nagakriar it madamoe nga gae-om.
Raya ro naeksperyensyahan makaron sa Pilipinas rason nga inde dapat kahangaw-an nga may bagyo sa tunga it tyempo it tag-init.
Apang, raya hay makabig nga concerning kon sa siin ro tanan hay dapat maghueag ag nagakinahang-ean raya it urgent action bangud sa climate change.
Angot kara, panugyan nana sa tanan nga dapat makaangkon it pakialam sa komunidad ag sosyodad bangud nga kita man gihapon ro maapektuhan.
Inde pagbaliwalaon ro kaparehas kara nga kalamidad nga dapat hay may polisiya nga ginapatuman para mapahagan-hagan ro epekto it bagyo.
