Gindeklara ni North Korean leader Kim Jong Un ro sangka “shining victory” kontra sa COVID-19 samtang ginbulgar it anang igmanghod nga babaye nga imaw hay nagkasakit sa tyempo it outbreak nga ginbasoe nana sa Seoul.
Sa pagsabat sa sangka pueong it mga health workers and scientists, ginpahayag ni Kim ro kadaeag-an sa giyera kontra sa malignant pandemic disease.
Ro isolated country nga nagapabilin it sangka hugut nga coronavirus blockade halin kat mag-umpisa ro pandemya hay nagkumpirma it Omicron outbreak sa kabisera it Pyongyang ko Mayo ag nag-activate it sangka “maximum emergency epidemic prevention system.”
Ro North Korea hay nagatumod sa “fever patients” sa baylo nga “mga pasyente it Covid” sa mga report bangud sa medyo kakueangan it testing capacity.
Naglista ro nasyon it haeos 4.8 milyong “fever” infections ag 74 nga namatay.
Owa eon man sanda it nailistang mga bag-ong kaso halin ko Hulyo 29.
Ginpahayag ni Kim Jong Un nga ro kadaeag-an nga naangkon it anang mga pumueoyo hay sangka makasaysayan nga hitabo.
