North Korea, nagpilak it basura ag higko it sapat sa South Korea

KALIBO, Aklan—Nagpadaea it lobo nga may sueod nga basura, toilet paper, ag higko it sapat ro North Korea sa teritoryo it South Korea.

Suno sa Joint Chiefs of Staff it Seoul, pilang unidentified objects nga ginapatihan nga naghalin sa North Korea ro nakita sa Gyeonggi-Gangwon border area.

Para sa military it South Korea, sambilog raya nga low class actions ag presente sigon nga ginaaksiyunan.

Ginpadumdom man kara ro mga residente nga inde anay makaangkon it outdoor activities ag inde magpaeapit sa mga unknown objects ag i-report insigida raya sa mga awtoridad.

Gin-insister man it Joint Chiefs of Staff nga ginaeabag it North Korea ro international law ag makabig raya nga paeag sa kaeowasan ag seguridad it mga tawo.