Sa tunga it pagpaeanasa it COVID-19 wave sa North Korea, natumod man makaron it socialist state ro epidemiya it isaeang ka unidentified intestinal disease.
Nagpakalhit eon ro North Korea it medical crews ag epidemiological investigators sa probinsiya nga nagapangatubang it outbreak it nasambit nga intestinal disease.
Umabot sa kapin 800 pamilya ro tinamaan it ginatawag nga “acute enteric epidemic” sa North korea nga nakabaton eon it nagakaigo nga pagbueong sa South Hwanghae Province, 75 milya sa nabagatnan nga bahin it capital nga Pyongyang.
Ro Enteric hay nagatumod sa gastrointestinal tract kung siin suno sa mga opisyal it South korea raya hay posibleng sangka klase it cholera ukon typhoid.
Samtang, gindeklara man it North Korea ro explosive outbreak it COVID-19 sa andang nasyon matapos nga makalista it kapin sa 2 million kaso it ginatawag nanda nga“fever” ukon eagnat sa haeus sueod it sang dominggo.
