KALIBO, Aklan – – – Arestado ro notorious nga manakaw matapos nga mahueog sa tulay ro ginasakyang get-away vehicle samtang naga paeagyu sa mga naga eagas nga pulis sa Poblacion, Kalibo, Aklan.
Gin kilaea ro suspect nga si Glenn Alvin Orille, 43-anyos, tubong Carmona, Cavite kaibahan ro anang misis kara nga si Maria Evelyn Orille ag ro adang unga.
Base sa report, narekober sa sueod it saeakyan ro mga maeahaeong alahas, branded na relo, gadgets, Identification card’s ag mga kwarta nga nadaeasa sigon sa mga biktimang tenant kat niransak kara ro mga apartments sa banwa it Kalibo.
Dugang nga narekober it mga pulis ro sangka fragmentation grenade, kutsilyo, picha korno ag maabong maleta kun siin nabo-oe kara ro uniporme it pulis ag chapa.
Bago ro insidente, na-ichurahan sigon imaw it sambilog sa anang mga naging biktima ag nakaangkon sanda it komprontasyon dahilan nga pinaharurot kara ro anang van.
Samtang naga paeagyu, sinunggaban kara ro motorsiklo sakay ro daywang Criminology student intern ag sangka tricycle.
Gin eagas it mga pulis si Orille apang, napaseawan rayang makapaeagyu matapos nga mahueog sa tulay ro gina manehong saeakyan.
Nasayuran nga nakilaea ro suspek pinaagi sa CCTV footage it mga tinakawang apartments.
Samtang, nakikipag-angot eon sa makaron ro Kalibo Police Station sa San Fernando City PNP sa La Union matapos nga makabaton it report nga nakapaeagyu sigon kanda si Orille bangud man sa kaparehong kaso ku nagtaliwan pang 2016.
