KALIBO, Aklan— Patay ro ginakabig nga notorious nga manakaw matapos nga mabarilan it pulis sa manhunt operation it Kalibo Police Station sa Barangay Mabilo, New Washington, Aklan.
Nakilaea ro suspek nga si Sweetham Mendeguette, 21, ag residente it nasambit nga lugar.
Base sa impormasyon halin sa pulisya, si Mendeguette hay suspek sa panakawan nga natabu sa Barangay Briones, Kalibo kun sa siin, ro biktima kara nga si Blaire Repe, 42, matapos nga takawan it P10,000 nga cash money ag mga alahas nga ginaeakipan it relo ag wedding ring nga nagabalor it P10,000 hay nahimo pa kara nga bun-on sa nagkaeain-eain nga parte it eawas.
Sa ginpatigayon nga follow-up operation it pulisya, insigidang nagdaeagan ro suspek kat makita ro mga operatiba ag unang ginpa-eukpan ro mga pulis.
Angot kara, nag-return fire ro mga pulis ag natamaan sa ueo ro suspek.
Narekober sa area ro kalibre .38 revolver nga gingamit ni Mendeguette.
Nagapadayun pa ro imbestigasyon it pulisya sa nasambit nga insidente.
