KALIBO, Aklan — Arestado ro sangka eaeaking notoryus nga manakaw sa Kalibo, Aklan.
Suno kay PO2 Eric John de Lemos it theft and robbery section it Kalibo Police Station, guwa-sueod sa kulungan ro suspek nga si Emelito Alapag, 31, residente it Brgy. Bakhaw Norte, Kalibo bangud sa mga kaso it pamuno, robbery ag carnapping.
Nadakpan si Alapag matapos takawan ro sangka panimaeay, kon siin, nadaeasa kara ro tatlong cellphone ag P10,000 nga kwarta bandang alas-3:00 it kaaganhon.
Dugang pa ni PO2 de Lemos nga si Alapag man ro suspek sa serye it panakawan sa Barangay Bakhaw Sur, Old Buswang ag Peraz Ville nga puro sa banwa it Kalibo.
Gin-engganyo man kara ro iba pang mga nabiktima ni Alapag nga magreklamo sa andang taeatapan agud kapin pang mapabaskog ro kaso kontra sa suspek.
