KALIBO, Aklan—Napas-eawan ro world’s number 1 tennis player nga si Novak Djokovic nga makapasakop sa pagahiwaton nga Australian Open nga maga-umpisa makaron nga adlaw.
Raya hay matapos nga nagpagguwa eon it pinal nga desisyon ro federal court kung siin eubusan nga ginkansela ro anang visa.
Si Djokovic hay kilaea sa bilog nga kalibutan matapos imaw nga magdaog it 20 nga grand slam.
Suno kay Bombo International Correspondent Denmark Suede, siyam nga beses eon raya nga nagkampeon sa Australian Open.
Apang, bangud sa kapas-eawan kara nga magpakita it vaccination certificate ukon medical exemption hay ginpakamayad nga ideport imaw pabalik it Serbia.
Si Djokovic hay nauna eon nga gindaea sa Immigration Detention Center samtang nagahueat it desisyon.
Nasayuran nga ro pagiging unvaccinated it tennis superstar ro gin-ugatan it tanan.
