KALIBO, Aklan — Mag-eowas sa kwarta, nagapangayo man sigon it war materials ag iba pang goods ro mga rebeldeng New People’s Army (NPA) para sa permit to campaign fees sa mga politikong magakandidato sa maabot nga 2019 mid-term elections sa Western Visayas.
Sa interview it Bombo Radyo, ginpahayag ni Capt. Eduardo Precioso it 3rd Infantry Division, Philippine Army nga kaibahan sigon sa mga ginakotongan it NPA ro mga nagapailihir nga kongresista ag alkalde.
Dugang pa kara nga nagapadaea sigon anay it sueat ro mga rebelde sa mga ginapunteryang pulitiko, kon siin, mag-eowas sa kwarta hay nagapangayo man sanda it mga baril, laptop, groceries ag iba pa.
Engkasong mapas-eawan sigon nga magtao it campaign fee ro sangka kandidato hay dikara eon naga-umpisa ro pagpamaeag nga uwa ginapasugtan ro pagpangampanya sa andang mga balwarte.
