Gin-insister it National Task force West Philippine Sea ro posisyon it Malacañang nga bukon it bastante para ikonsiderang armadong pag-atake ro kan-on eamang nga agresibong aksiyon it mga tawuhan it China Coast Guard kontra sa mga personnel it Pilipinas sa Ayungin shoal.
Raya hay sa pihak it grabeng naangkon nga injury it sambilog sa mga tawuhan it Philippine Navy nga si Seaman First Class Jeffrey Facundo nga nautdan it anang tu-o nga tudlo ag 7 iba pang naninahan kamana man pagsamad it mga Chinese sa windscreen, communications ag navigational equipment it rigid hull inflatable boat it Pilipinas.
Ginpahayag ni Philippine Coast Guard (PCG) Commodore Jay Tarriela nga bukon it intensiyon it China nga pataason ro tensiyon sa ginaagawan nga kaeawran bangud nga ro naging katuyuan sigon it China hay harangon ro resupply mission it Pilipinas sa BRP Sierra Madre sa Ayungin shoal.
Parehas eamang suno kana nga ginhimo it pwersa it Pilipinas ag China ro andang tags aka obligasyon sa ginaagawan nga kaeawran sa kasagsagan it insidente.
