Nagapadayun ro imbestigasyon it Numancia Municipal Police Station sa brutal nga pagbaril-patay sa mag-ama sa sueod it sangka Mahogany Plantation sa Brgy. Camanci Sur Numancia kahapon.
Suno kay PMSgt. Felizardo Navarra, imbestigador it Numancia PNP nga patay sa insidente ro mag-amang Narciso Andelecio, 59 anyos ag Jay-ar Andelecio, 29 anyos, mga residente it Brgy. Bubog Numancia.
Ro biktimang ama hay nag angkon it tama it bala sa anang waea nga dughan ag tuo nga tuhod samtang ro anang unga hay may daywang igo it bala sa anag likod nga nagresulta it andang hinali nga kamatayon.
Ginapatihan nga udtro adlaw kat ginhimo ro krimen bangud sa pahayag it mga testigo nga may nabatian sanda nga eupok apang andang ginbalewala sa pagpati nga raya hay fireworks.
Gindugang pa ni Felizardo nga padayun nanda nga ginatumod ro baril nga gingamit matapos nga owa it may narekober nga basiwo it bala sa crime scene.
Ginrekomenda man nanda nga ipaidaeum sa autopsy ro bangkay it mga biktima sa posibilidad nga may makita nga naka-eubong nga bala sa andang eawas bangud nga owa it point of exit ro bala nga tumama kanda.
