KALIBO,Aklan–Ginapahauman eon it Numancia Municipal Police Station ro andang deployment plan para sa nagahilapit nga selebrasyon it kapyestahan ni Sr. San Juan de Bautista.
Suno kay PCapt. Maricel Guevarra, hepe it Numancia PNP Station nga maga-assign imaw it mga personnel nga magatutok sa mga lugar nga posibleng adtunan it mga pumueoyo eabi eon ro mga kasubaan ag baybayon nga sakop it banwa it Numancia.
Mag-eowas kara, makipag-coordinate sanda sa council it mga natungdan nga barangay agud nga mahinyo ro andang force multipliers nga makadugang sa andang pwersa sa nasambit nga okasyon.
Panawagan nana sa tanan nga maging responsable sa kada isaea agud nga masigurado ro seguridad ag kaeowasan.
Samtang sa pihak nga parte, padayon ro monitoring ag pagtapna it kapulisan sa anti-illegal gambling.
Pamatuod kara ro pagkaaresto nanda sa sangka babaye nga illegal nga nagapataya ukon ginatawag nga bookies.
Uwa sigon nanda ginabaliwala ro mga impormasyon nga nagaabot sa andang taeatapan ag gilayon nanda raya nga ginavalidate ag ginasurveillance para madakpan ag inde eon matuearan it iba pa.
