Ginklaro makaron ni P/Major Fidel Gentallan, hepe it Numancia Municipal Police Station nga sa barangay Marianos eamang ro may record it ginasugid nga may nagpanuktok sa baeay it aga-aga ro pang orason.
Raya hay kasunod sa nagsiguwaan nga isyu angot sa may nagalibot sigon nga indibidwal ag nagapanuktok sa baeay-baeay.
Ginpahayag dugang ni Gentallan nga sangka residente eamang sa nasambit nga barangay ro nagpaabot kanda it reklamo kon siin ro nakabatyag kara hay ro nagaeobog sa sangka kwarto sa second floor it baeay.
May ayam man sigon nga nagatinir sa ground floor kamana man may cctv cameras sa kaeapit baeay apang sa andang imbestigasyon hay uwa it nakit-an nga kamaea-maeahan sa nasambit nga pang-orason.
Sa pihak kara, uwa nanda ginabaliwala ro nasambit nga impormasyon ag nagapadayon ro andang pagvalidate ag pag-imbestiga.
Samtang, panugyan ni Gentallan nga engkasong may makaeksperyensya it kaparehong report hay insigidang ipasayod raya sa andang taeatapan ag inde magbukas it basta-basta it andang pertahan.
