Nakalista ro Department of Health (DOH-Aklan) it kabilugan nga numero it 26 nga bag-ong kaso it human immunodeficiency virus (HIV) sa probinsiya it aklan sa sueod eamang it tatlong buean.
Ro mga bag-ong kaso hay nailista ko enero 1 hasta marso 23 it makaron nga dag-on
Sa nasambit nga numero, daywa ro nailistang namatay.
Bangud kara, nagsaka eon sa 34 ro namatay bangud sa komplikasyon sa HIV Acquired Immune Deficiency Syndrome (AIDS) sa Aklan umpisa ko 1986.
Nasayuran nga may una nga 501 nga kumpirmadong kaso sa probinsiya umpisa 1986 hasta Marso 23, 2023.
Kaeabanan sa mga kaso hay naisaylo pinaagi sa pakikipaghieawas eabi eon ro pakikipag-sex sa eaeaki sa eaeaki.
Ko Marso 2023, may una eon nga 2,078 nga HIV-positive individuals nga nailista sa nasyon ukon may pagsaka it 35 percent kumpara sa kaparehong period ko nagtaliwan nga dag-on.
Gin-report man it HIV/AIDS and ART Registry of the Philippines (HARP) nga may kabilugan nga 114,008 nga confirmed HIV cases sa nasyon umpisa nga ro sakit hay na-detect sa Pilipinas ko 1984.