Nagahampak eon sa haeos 5 million ro numero it deactivated voters nga posibleng indi makaboto sa 2025 midterm elections.
Base sa datos halin sa Commission on Elections, kapin sa 4,903,415 nga botante ro na-deactivate.
Ginaeauman nga magataas pa ro nasambit nga numero bangud nga haeos 98.82 pa eamang it datos ro naisumite it Election Registration Board.
Paathag it poll body nga mayorya ukon kapin sa 4.90 milyong botante ro nadeactivate bangud sa kapas-eawan nga makaboto sa nakataliwan nga daywang eleksyon.
Ro iba mat-a hay nawad-an it filipino citizenship ag bangud sa court rulings.
Samtang, suno kay Comelec chairman George Garcia, pwedeng magsumite ro mga deactivated voters it application para sa reactivation sa nagapadayon nga voter registration.
