National News——-May sangka bag-ong naireport nga nagpositibong Filipino sa Coronavirus disease (COVID-19) sa ibang nasyon.
Sa datos it Department of Foreign Affairs (DFA) hasta November 2, kapin sa 11,245 eon ro mga kumpirmadong positibo sa COVID-19 nga Filipino halin sa 81 nga nasyon ag rehiyon.
Sa nasambitang numero, 3,149 ro padayon nga nagapamayad sa nagkaeain-eain nga ospital.
Owa man it naireport nga bag-ong nagmayad rason nga nagapabilin sa 7,249 gihapon ro Overseas Filipinos nga naka-recover halin sa makamaeatay nga sakit.
Samtang, nagapabilin man sa 817 ro COVID-19 related deaths sa mga Filipino abroad.
Ginpasiguro it Department of Foreign Affairs (DFA) nga pinaagi it Foreign Service Posts, pagatutukan nanda ro sitwasyon it mga Pinoy sa ibang nasyon ag haom nga umasiste sa mga Filipino nga apektado it COVID-19 pandemic.
