KALIBO, Aklan–Nagtaas ro mga nagpa-enroll nga mga estudyante makaron nga school year kumpara ko nagtaliwan nga dag-on.
Suno kay Dr. Hernani Escular, Jr. tagapaghambae it Department of Education ukon DepEd Region 6 nga nakalista sanda it kapin sa 2.2 milyon nga enrollees makaron nga school year 2022-2023 hasta ko Agosto 23, 2022.
Raya hay mas mataas it 129,886 kumpara sa kapin sa 2.1 milyon nga nagpa-enroll ko nagtaliwan nga dag-on.
Mag-eowas kara, na-eampasan man nanda ro andang projected nga enrollment it 5.24% ukon 116,992 base sa Regional Education Development Plan.
Nasayuran nga target it ahensiya ro 2,116,954 nga magapa-enroll makaron nga school year.
Angot kara, ginpadumdum it DepEd nga padayun ro andang pagbaton it mga enrolless.
Raya hay nagapakita suno kana nga amat-amat eon nga nagabangon ro ekonomiya kamana man ro pagsalig it mga ginikanan nga eowas eon nga ipadaea sa mga eskwelahan ro andang mga unga.
