Nadugangan pa ro death toll sa ebola epidemic nga gindeklara ko nagtaliwan nga buean sa Uganda.
Suno kay World Health Organization (WHO) Chief Tedros Adhanom Ghebreyesus, may una nga 60 kumprimadong kaso ag 20 probable cases it ebola sa nasambit nga nasyon kung siin 44 ro namatay ag 25 ro nakarekober.
Madumduman nga nagdeklara it tatlong dominggong lockdown si Ugandan President Yoweri Museven sa daywang high risk districts bangud sa pagtaas it ebola infections.
Nasayuran nga eapnaag makaron sa nasambit nga nasyon ro sangka strain nga gintawag nga Sudan ebola virus, kung siin owa pa it available nga bakuna kontra kara.
Ginpahayag it WHO nga posibleng maumpisahan eon sa mga masunod nga domiggo ro clinical trials sa mga bueong agud nga masuk-ean ro nasambit nga strain.
