Nagnaba pa sa 2.24 milyon ro numero it mga Pilipinong owa it trabaho sa nasyon ko Oktubre.
Base sa datos nga ginpaguwa it Philippine Statistics Authority (PSA), mas manaba raya sa 2.5 milyon nga nailista ko Setyembre ag 3.5 milyon ko Oktubre it nagtaliwan nga dag-on.
Katumbas raya sa listahan it national unemployment rate nga kapin sa 4.5%.
Mag-eowas sa unemployment rate, nagtaas man ro underemployment rate ukon ro mga Pilipinong nagakinahangean it mas maabung trabaho.
Sa ulihing listahan, nag abot raya sa 6.67 milyon, nga 17.8% mas mataas kumpara sa 6.54 milyon ko Hulyo it makaron nga dag-on.
Ro ika-ap-at nga quarter it dag-on hay ginakabig nga pinakamabaskog para sa mga negosyo, bangud nga ginaeauman nga magataas pa ro pag-gastos it consumer sa tiempo it kapaskwahan.
