KALIBO, Aklan—Amat-amat eun nga nagataas ro numero it mga turista nga nagabisita sa isla it Boracay sa unang dominggo it Disyembre.
Base sa datos maghalin sa Malay Tourism Office, nag-abot sa 300 hasta 400 ro numero it mga turista nga nagbisita sa sikat nga isla maghalin ko petsa 1 hasta 8 it presenteng buean.
Ginpahayag ni Malay Tourism Officer Felix Delos Santos nga kaabuan sa mga turistang nagabisitasa bantog nga Isla hay maghalin sa Metro manila ag western visayas.
Ginaeauman man nanda nga mas pa rayang magataas sa nagahieapit nga Christmas ag New Year kamana man sa summer season kung sa siin maabong turista ro nagabakasyon.
Mabahoe man suno pa kana ro naibulig matapos nga madugangan ro numero it mga flights paadto ag pabalik sa Metro Manila ag Boracay.
May ap-at ag tatlo sigon ka mga flights kada adlaw nga nakadepende sa nakataeanang schedule.
Samtang, nagpanawagan man raya sa mga tourist frontliner sa Isla nga itao ro anang best sa pagserbisyo sa mga nagabisita bangud malisod ag mahae ro mga requirements nga ginapangayo antes nga makapagbaskasyon.
