Dumoble pa ro numero it mga indibidwal sa Sudan nga na-displace bangud sa nagapadayon nga giyera it military ag paramilitary forces suno sa United Nations.
Suno sa International Organization for Migration, masobra 700,000 katawo eon ro na-displace bangud sa giyera nga nag-umpisa ko Abril 15.
Raya hay masobra pa sa doble maghalin sa 340,000 nga ginreport ko Martes ni UN spokesman Paul Dillon.
Suno pa sa UN refugee agency, kapin sa 150,000 Sudanese ro nagbakwit eon sa kaeapit nga mga nasyon.
Bilang resulta, nagapangatubang sa makaron ro mga nagbakwit maghalin sa war zones it kawad-an it tubi, magagamit nga eletrisidad, pagkaon ag medical care kun siin suno sa UN gaabot sa 1/3 it populasyon ro nagakinahangean it humanitarian assistance antes pa man mage-ontad ro kinagamo
