Ginreport it National Telecommunications Commission (NTC) nga naobserbahang nabuhinan ro text scam-related complaints nga nakikitang resulta maghalin kat naging laye eon ag ginpatuman ro SIM registration act.
Insigidang nakita it komisyon nga umpisa nga naipasa bilang laye ro SIM Registration hay madasig nga nagnaba sa 100 nga reklamo kada adlaw ro andag nababaton maghalin sa dating 1,500 complaints.
Base sa ulihing datos ko Marso 9, 2023 nakapaglista ro mobile telecommunications service providers it 42.7 million madinaeag-on nga nakapagparehistro it SIM cards.
Raya hay katumbas it 25.24% it kabilugang 168 million active subscribers sa bilog nga nasyon.
Samtang, plano man it Department of Information and Communications Technology nga paeawigon pa ro deadline it SIM registration it eagpas sa Abril 26 bangud sa pilang subscribers nga owa pa nakapagparehistro sang buean antes ro deadline.
