Kalibo Aklan ———Ginaeauman nga mas pang magasaka ro numero it tourist arrivals sa Isla it Boracay samtang nagahilapit ro kapiestahan ni San Juan de Bautista sa Hunyo 24.
Raya hay bangud nga exempted ro Isla sa pag-instrikto it Provincial Government sa mga ginapatuman nga health protocols kasunod it nagatinaas nga kaso it COVID 19 sa probinsiya .
Base sa datos it Malay Tourism Office, naga-abot eon sa 17,078 ro mga turistang nagbakasyon sa Boracay umpisa Hunyo 1 hasta 21, 2021.
Nagapanguna gihapon sa mga nailistang turista hay naghalin sa National Capial Region (NCR) nga may 10,817.
Sumunod kara ro CALABARZON ukon Cavite, Laguna, Batangas, Rizal, Quezon nga may 3,820.
Nagapangatlo ro halin sa CENTRAL LUZON nga may 1,303 samtang kapin sa 497 ro halin sa probinsya it Aklan.
Uman nga bumuhos ro mga turista matapos nga pasugtan it National IATF ro mga halin sa NCR plus ukon ro mga halin sa GCQ ag MGCQ areas.
