KALIBO, Aklan — Gina eaumang magasaka pa ro numero it tourist arrivals sa banwa it Kalibo para sa selebrasyon it Sto Nino Ati-Atihan Festival 2018.
Suno kay Kalibo Sto. Nino Ati-Atihan Foundation, Inc. (KASAFI) chairman Albert Menez nga pamatuod dikara ro haeos fully-booked eon nga mga hotels ag pension houses umpisa pa ku Disyembre ku nagtaliwan nga dag-un.
Kaabuan sigon sa mga nakikisadya hay mga Aklanons nga nakabase sa ibang nasyun nga nakasanayan eon nga mag uli para sa festival.
Nakipagkasugot man sanda sa pilang mga hotel ag resort owners sa isla it Boracay nga imbitahan ro andang mga guests eabi eon ro mga estrangherong turista nga saksihan ro kasadyahan eabi eon ro pagpasakop sa sadsad ukon street dancing it gin bansagang “Mother of All Philippine Festivals”.
