KALIBO, Aklan —– Nag-apela si Bishop Jose Corazon Tala-oc it Diocese of Kalibo kay Pangueong Rodrigo Duterte nga inde eon pag ipadayon ro planong pagpatindog it mga casino sa isla it Boracay.
Sa anang sueat sa presidente nga ginbasa sa mga ginpatigayon nga misa kahapon it Dominggo, ginpahayag ni Talaoc nga indi eon kinahang-ean ro casino sa Boracay nga gintawag kara nga “God’s gift” nga nagata-o it trabaho, pangabuhian ag kita sa gobyerno.
Mag-eowas sa national government, nag-apela man ro obispo sa lokal nga gobyerno it Aklan ag mga kaparehong pari agud ibhan ro andang panawagan nga punggan ro pagbukas it mga pasugaean.
Dugang pa kara nga may katungdanan ro mga pumueoyo it Aklan nga alagaan ag amligan ro Boracay.
Nauna kara, kumambyo si Pangueong Duterte sa anang pahayag nga nagapasugot raya nga buksan ro Boracay sa mga casino agud makatipon it buwis nga pwedeng magamit para sa COVID-19 response it gobyerno.
