-- ADVERTISEMENT --
KALIBO, Aklan — Namatay sa pagkakuryente ro trabahador it ginaobrang hydro power plant sa Barangay Maria Cristina, Madalag, Aklan samtang nagalimpyo it bakal gamit ro grinder sa sueod it sangka tunnel.
Insigidang namatay ro biktimang si Jules Rata, 50, residente it nasambitang lugar.
Sa report it Madalag Police Station, samtang una sa sueod it tunnel hay nataeopangdan it anang katrabahong si Jodiemar Zaulda nga nagakisay ro biktima.
Gilayon sigon nga ginhukas ni Zaulda sa saksakan ro ginagamit nga grinder it biktima, apang bangud sa kabaskugon it boltahe hay ginbawian raya it hueam nga kinabuhi.
