OCTA Research, nagpaandam sa bag-ong COVID-19 Omicron subvariant nga posibleng magtuga it surge sa mga kaso

Nagpaandam ro OCTA Research Group angot sa tatlong bag-ong subvariants it Omicron nga posibleng magresulta it panibag-ong surge sa mga kaso it COVID-19 engkasong ma-detect sa Pilipinas.

Suno kay biologist Fr. Nicanor Austriaco, mas makataeapon ro bag-ong BA.4, BA.5 ag BA.2.12.1 kumpara sa BA.2 subvariant nga presenteng dominant makaron sa aton nga nasyon ag sa bilog nga kalibutan.

Bangud kara, gin-insister ni Fr. Austriaco ro importansya it pagpaturok it booster dose para sa dugang nga proteksyon.

Base sa datos halin kay OCTA Research fellow Dr. Guido David, presenteng una sa very low ro COVID-19 risk level sa nasyon nga may 1.4% positivity rate, 23 percent healthcare utilization rate, ag 0.67 virus reproduction rate.