Kalibo Aklan ——–Nagapanawagan ro independent group nga OCTA Research sa gobyerno nga ieakot sa prayoridad it alokasyon sa COVID-19 vaccines ro mga ginakabig nga high risk areas sa guwa it National Capital Region (NCR) Plus.
Kasunod raya it na-obserbahang pagsipa sa numero it mga kaso it COVID sa Mindanao, partikular eun sa Davao City.
Suno kay Prof. Guido David, bukon eang dapat it naka-sentro sa NCR Plus ro alokasyon it mga bakuna, bangud kinahangean man it supply sa mga lugar nga naga-umpisa eun nga magtaas ro kaso it COVID.
Kahapon nag-umpisa eun ro pagbakuna sa mga A4 ukon essential workers it NCR Plus 8, kung sa siin kaibahan ro Davao City ag Cebu City.
Kaibahan ro Davao City sa mga ginakabig nga areas of concern it OCTA.
Pati eun ro pilang lugar sa Mindanao, Bacolod City, Iloilo City, Dumaguete City, ag Tuguegarao City.
