Ginpasiguro it Office of the Provincial Veterinarian nga himuon nanda ro tanan nga tikang agud nga inde eon magkalhit ro African Swine Fever nga virus nga unang nailista sa daywang ka baboy nga nagmasakit ag namatay sa Brgy. Archanghel Sur, Balete.
Suno kay Provincial Veterinarian Dr. Mabel Seniel nga ro nasambit nga sapat hay mga native ag uwa it biosecurity nga ginatawag matapos nga ginahigot eamang raya sa ugsaran sa puno it mangga.
Mag-eowas kara, damog pa ro ginapakaon it tag-ana nga eubus nga ginabawae gid kunta sa mga alagang baboy bangud nga raya ro masami nga gihalinan it ginakabaeak-an nga virus.
Angot kara, insigida nga ginpatuman it lokal nga gobyerno it Balete ro andang rekomendasyon nga uwa it movement; shipment ag trading coming in and coming out it mga live weight nga baboy ukon anumang pork products sa nasambit nga lugar agud nga inde eon magkalhit pa sa mga kaeapit nga barangay ukon banwa ro ginakahadlukan nga masakit sa sapat.
