Gin-umpisahan eon kabi-i it Commission on Elections (Comelec) ro pagbiyahe sa mga official ballots nga pagagamiton sa May 9 national and local elections.
Sa advisory, ginpahayag it poll body nga ro delivery it masobra 60 million ballots hay iga-deploy eon halin sa andang Comelec Warehouse nga makit-an sa Legaspi Street sa Maybunga, Pasig City.
Ro mga official ballots ag supplies para sa May elections hay igahatod sa city ukon municipal treasurer’s offices nationwide.
Kung madumduman, ko nagtaliwan nga buean hay gin-umpisahan eon it Comelec nga ibiyahe ro mga vote-counting machines (VCM), consolidated canvassing system (CCS), laptops ag peripherals maskin ro mga transmission devices halin sa Comelec warehouse sa Santa Rosa, Laguna.
Ro iba pang election-related equipment, peripherals, forms ag supplies hay pagadaehon man sa mga regional hubs nationwide.
Ro unang gindeploy hay ro mga VCM external batteries, non-accountable forms ag supplies nga ginbyahe eon ko buean it Pebrero.
