KALIBO, Aklan—15 sa 19 nga mga Overseas Filipino Worker (OFW) organizations sa probinsiya it Aklan ro natigayon nga ma-imbitahan para sa selebrasyon makaron nga dag-on it OFW Family Day nga pagahiwaton sa Disyembre 7, Sabado nga adlaw sa sangka mall sa Pavia, Iloilo.
Apang suno kay Mrs. Vivian Ruiz-Solano, Provincial Public Employment Service Office (PESO) manager nga owa imaw it ideya kon pilang OFW’s kaibahan ro andang pamilya ro magatambong sa event.
Gindugang pa ni Solano nga ro event hay dag-unan nga ginapatigayon it Overseas Workers Welfare Administration (OWWA) sa mga regional offices kara sa bilog nga nasyon agud nga taw-an it simpleng pasidungog ag pagkilaea ro naging kontribusyon it mga OFW’s sa ekonomiya it Pilipinas ag sa andang natungdan nga pamilya.
Mabahoe sigon raya nga kahiwatan agud nga matipon ro OFW Family Circles ukon Organizations para sa selebrasyon kabulig ro pilang stakeholders ag sponsors it ahensiya.
Pila sa mga highlight it aktibidad hay ro pagpatigayon it mga sorpresa sa mga makabig nga modern day heroes it Region 6 kaibahan ro parlor games, bonus pamasko raffle draw ag maabu nga iba pa.
Ginpasiguro pa ni Solano nga magatambong imaw sa selebrasyon.
