KALIBO, Aklan— Malipayon nga ginsug-aeaw it anang pamilya ro Overseas Filipino Worker (OFW) nga si Aljun Accad Andrade it Paraiso Road, Barangay Linabuan Sur, Banga matapos nga madinaeag-ong nakauli sa probinsya it Aklan.
Madumdumang si Andradre hay ginhampak it tubo it mga suspek nga Arabo sa Riyadh, Saudi, Arabia kon siin imaw nagtrabaho ko Hulyo 1, 2018.
Nakaangkon imaw it grabeng lastro sa ueo ag insigida man nga nadaea sa sangka hospital kon siin imaw nagbuhay it pilang buean.
Nakarecover imaw halin sa pagka-commatose sa bulig it mga espesyalesta hasta nga nakauli ag ginpadayon ro anang pagpabueong sa Metro Manila.
Suno sa pamilya, kapin sa P8 million ro andang naging bill sa hospital nga ginbayaran it anang agency kabulig ro Overseas Workers Welfare Administration (OWWA) ag Public Employment Service Office (PESO)-Aklan.
May kaangtanan kara, eubus ro pasaeamat it pamilya Andrade partikular ro anang mga ginikanan sa pangaywang kabuhi it andang onga.
Nagaeaum sigon ro pamilya nga makarecover eon raya it husto samtang una eon sa andang poder si Andrade.
